Хойд Америкийн Үндэсний Сагсан Бөмбөгийн Лиг (NBA)-гийн нэрт тамирчин Леброн Жэймс өөрийн цахим хуудсаараа дамжуулан "Decision" буюу шийдвэрээ зарлана гэж мэдэгдсэн нь спорт сонирхогчдын анхаарлыг татаад байв.
Тэрбээр 2010 онд "Майами Хит" багийг сонгосноо ESPN телевизийн сувгаар дамжуулан олонд шийдвэрээ танилцуулсан нь хожим "Decision" нэрээр түүхэнд үлдсэн юм.
Энэ удаад бүх шийдвэрийн эцсийнх нь гэх утгатай зар тараасан нь тун удахгүй 41 нас хүрэх түүнийг зодог тайлах шийдвэрээ зарлах нь гэсэн хүлээлт спорт сонирхогчдын дунд үүссэн.
Гэвч түүний шийдвэр нь спортын бус харин коньякийн зар сурталчилгаа болох нь тодорхой болжээ.
Тодруулбал Hennessy брэнд түүний нэрээр нэрлэгдсэн тусгай савлагаатай коньякийг худалдаанд гаргахаар болсон байна.
Спорт сонирхогчдын хувьд энэ жил Лэброны сүүлийн улирал байж магадгүй гэсэн хүлээлт үүсээд буй. Үүнээс шалтгаалан "Лос Анжелес Лэйкерс" багийн улирлын тасалбарын үнэ огцом өссөн. Ялангуяа дээрх шийдвэрийнхээ талаар цахим хуудсандаа зар тарааснаас хойш улирлын тоглолтын тасалбарын эрэлт эрс нэмэгдсэн байна.
"Лэйкерс"-ийн ирэх улирлын тасалбарын дундаж үнэ 431 ам.доллар. Түүний хуучин баг болох "Кливлэнд"-тэй хийх тоглолтын хамгийн хямд тасалбар нь 463 "ногоон"-д хүрчээ.
Эх сурвалж: USA Today
°C