“Өсвөрийн парламент-2025” хөтөлбөрийн бүртгэл эхэллээ

???? “Өсвөрийн парламент-2025” хөтөлбөрийг "Сургуулийн орчин дахь аюулгүй усан хангамж, ариун цэвэр, эрүүл ахуй ба өсвөр үе" буюу "WASH AND TEENS" сэдвийн хүрээнд УИХ-ын Тамгын Газар, УИХ-ын Тамгын газрын дэргэдэх Парламентын судалгаа, хөгжлийн хүрээлэн, НҮБ-ын Хүүхдийн Сан, Гэр бүл, хүүхэд хөгжил, хамгааллын ерөнхий газар, Монголын Скаутын Холбоо хамтран зохион байгуулж байна.

Өсвөр үеийнхний хөгжил оролцоог дэмждэг, үндэсний хэмжээнд 5 дахь жилдээ зохион байгуулагдаж буй тус хөтөлбөрт ЕБС-ийн 11, 12 дугаар ангийн сурагчид оролцох боломжтой.

????ХӨТӨЛБӨРӨӨС ЮУГ СУРЧ МЭДЭХ ВЭ?

• Парламентын боловсрол, хүний эрхийн талаар;
• Аюулгүй усан хангамж, ариун цэвэр, эрүүл ахуйн талаар;
• Тогтвортой хөгжлийн зорилгуудын талаар;
• Багаар ажиллах ур чадварт суралцах;
• Нөлөөллийн ажлын дадлага, туршлагатай болох;

???? ХЭРХЭН БҮРТГҮҮЛЭХ ВЭ?

2025.10.12-ны өдрийн 23:00 цагаас өмнө дараах холбоосоор орж бүртгүүлнэ.

???? Бүртгэлийн холбоос: forms.gle/n6XWKKNYonMMDMRG9

Онлайн анкет нь дараах хэсэгтэй:

1. Хувийн мэдээллийн хэсэг
2. Видео бичлэг - Сэдэв: Сургуулийн орчин дахь ундны ус, ариун цэврийн байгууламжийн стандарт ба хүртээмж /хугацаа 2-3 минут/
3. Эсээ - Сэдэв: Үе тэнгийн нөлөөлөл ба бидний оролцоо /үгийн тоо: 500-700/
4. Анги удирдсан багшийн батлан даалт
5. Нэр дэвшигч сурагчид өөрийг нь дэмжсэн 50 сурагчийн гарын үсгийг маягтын дагуу цуглуулна.

???? ШАЛГАРУУЛАЛТ ХЭРХЭН ЯВАГДАХ ВЭ?

Энэ жил хөтөлбөрийн сонгон шалгаруулалтад өөрчлөлт орсон бөгөөд хөтөлбөрийн оролцогчдыг орон даяар мессэж санал хураалтаар шалгаруулна. Тодруулбал мандатын тоогоор харьяа аймаг, дүүрэгтээ хамгийн олон санал авсан нийт 126 оролцогчийг шалгаруулах юм. Хөтөлбөрт бүртгүүлсэн нийт нэр дэвшигч сурагчдын танилцуулга, мэдээлэл болон санал хураалтын явц нь “Өсвөрийн парламент” хөтөлбөрийн сошиал хаягууд болон ikon.mn сайт дээр байрших болно.

Уншигч та санал хураалтад оролцохыг хүсвэл өөрийн аймаг, дүүрэгт нэр дэвшиж буй сурагчийн хувийн дугаарыг тусгай дугаарт илгээн саналаа өгөх боломжтой.

???? Дэлгэрэнгүй мэдээллийг: “Өсвөрийн Парламент хөтөлбөр” фейсбүүк хуудаснаас аваарай.