БНХАУ-ын Шанхай хотноо зохион байгуулагдсан “Дэлхийн хиймэл оюуны хурал (WAIC 2026)” болон “Дэлхийн хиймэл оюуны засаглалын дээд түвшний уулзалт”-д оролцлоо.
Энэ удаагийн хурлаар хиймэл оюуны аюулгүй байдал, улс орнуудын дижитал ялгааг арилгах болон хөгжиж буй орнуудад шинэ боломж олгох асуудлуудыг голчлон хэлэлцлээ. Тухайлбал, Шанхай хотод төвтэй "Дэлхийн хиймэл оюуны хамтын ажиллагааны байгууллага (WAICO)" байгуулагдаж, хөгжиж буй орнуудад 5000 сургалтын квот олгохоор болсон нь манай салбарын залууст том боломж нээж байна.
Хурлын үеэр Монгол Улсын цахим реформыг эрчимжүүлэх дараах хоёр уулзалтыг хийж, хэлэлцээрүүдийг бодит ажил хэрэг болгохоор тогтлоо. Тухайлбал,
Шинэ хөгжлийн банкны (NDB) Ерөнхийлөгч Дилма Руссеффтэй уулзаж, манай улсад дата төв болон хиймэл оюуны тооцооллын дэд бүтцийг хөгжүүлэхэд шаардлагатай хөрөнгө оруулалт, урт хугацааны санхүүжилтийг шийдвэрлэх,
НҮБ-ын Хөгжлийн хөтөлбөрийн зохицуулагч Александр Де Крүүтэй Монгол Улсад хариуцлагатай хиймэл оюуныг нэвтрүүлэх, үндэсний чадавхыг бэхжүүлэх болон хууль эрх зүйн орчныг олон улсын жишигт нийцүүлэн боловсронгуй болгох чиглэлээр хамтран ажиллахаар болов.
Уулзалтын төгсгөлд хоёр байгууллагын удирдлагуудыг Монгол Улсад айлчлахыг урьж, эдгээр стратегийн хэлэлцээрүүдийг бодит ажил хэрэг болгон үргэлжлүүлэхээр боллоо.
°C