БНСУ-тай хамтарсан “That Day” кино төслийн зохиол нь Монгол Улсын Ерөнхмй сайд,Хүүхдийн төлөө Үндэсний зөвлөлийн тэргүүн Н.Учралын санаачилсан “Хүүхдийн төлөө за бол заавал хий” үндэсний хөдөлгөөн болон НИТХ-ын төлөөлөгч Л.Хосбаярын санаачилсан “365 хоног өдөр бүр Анхаарч, хайрлая” аяны зорилготой нийцэж байна.
Энэ хүрээнд хүүхэд, өсвөр үеийнхний дунд үүсээд буй дээрэлхэлт, цаашлаад гэмт хэрэгт өртөх эрсдэлт үйлдлээс урьдчилан сэргийлэх, соён гэгээрүүлэх агуулгатай энэхүү кино төслийг дэмжиж, хамтран ажиллах талаар санал солилцлоо.
Мөн "That Day” кино төслийг хэрэгжүүлэгч “Бросис Пикчерс” ХХК нь хүүхэд, өсвөр үеийнхнийг кино урлагаар дамжуулан соён гэгээрүүлэх, зөв төлөвшилтэй иргэн болгон төлөвшүүлэх зорилгоор сүүлийн 10 жилийн хугацаанд “Том 4 толгой”, “Том 6 толгой”, “Том амжилт”, “Том тоглоом”, “Гурван эрдэнийн эрэлд”, “Өвөөгийн хайр” зэрэг хүүхдийн кино, дуу, контентыг бүтээж, дотоодын болон олон улсын кино, урлагийн фестивалиудад амжилттай оролцож байсан туршлагатай баг юм.
Хүүхэд бүр аюулгүй, аз жаргалтай орчинд өсөж, зөв үнэт зүйлтэй иргэн болон төлөвшихөд урлаг, боловсрол, олон нийтийн оролцоо нэн чухал юм.
°C