Нийслэлийн МАН өнөөдөр 14.00 цагт Тусгаар тогтнолын ордонд хуралдаж хотын дараагийн даргад нэр дэвшигчийг тодруулна.
Өнгөрсөн 7 хоногт нийслэлийн МАН-ын Тэргүүлэгчид хуралдаж Б.Пүрэвдагвыг хотын даргад нэр дэвшүүлэхийг дэмжсэн. Тэргүүлэгчдийн хуралд МАН-ын Удирдах зөвлөлөөс ганцхан Б.Пүрэвдагвын нэрийг оруулж, дэмжүүлсэн. Ингээд өнөөдөр Нийслэлийн намын хороогоор хэлэлцүүлэхээр тов зарласан. Энэ бүхэн зөвхөн улс төрийн шийдвэр гаргах процесс бөгөөд хуулийн дагуу НИТХ-аар хэлэлцүүлж, Ерөнхий сайд батламжилснаар хотын дарга томилогдоно.
Тэгвэл нийслэлийн намын хороо Б.Пүрэвдагвыг дэмжвэл НИТХ-аар хэлэлцүүлэн албан ёсоор хотын даргын нэрийг Ерөнхий сайдад уламжлан батламжлуулна.
°C