МҮОХ-ны удирдлагууд өнөөдөр “Лос Анжелес 2028” олимпын наадамд оролцох эрх авахаар баг тамирчдаа бэлтгэж буй 27 спорт холбоодын төлөөлөл, ОУОХ-ны Эв санааны нэгдлийн тэтгэлэгт хөтөлбөрт хамрагдаж буй тамирчид, Монголын багийн ахлагч болон БТСУХ-той хамтарсан уулзалтыг Олимпик хауст зохион байгууллаа.
Уулзалтын үеэр МҮОХ-ноос “Лос Анжелес-2028” олимпын наадмын онцлох мэдээлэл, зохион байгуулалтын онцлог, бэлтгэл ажлын талаар танилцуулж, мөн Узбекистан, Энэтхэг зэрэг улс орнууд олимпын наадамд хэрхэн системтэйгээр бэлтгэж буй туршлага, бодлогын талаар мэдээлэл өглөө.
Мөн спорт холбоодын цаашдын хэрэгцээ, шаардлагыг тодорхойлох, Төр засгийн байгууллагуудтай хамтын ажиллагааг эрчимжүүлэх, олимпын наадамд бэлтгэх Үндэсний хороо байгуулах хэрэгцээ шаардлагын талаар санал солилцов.
Түүнчлэн “Лос Анжелес 2028” олимпын наадам хүртэлх хугацаанд хэрэгжүүлэх төсөв, төлөвлөгөөг спорт холбоодын санал, хэрэгцээнд үндэслэн боловсруулах Ажлын хэсэг байгуулахаар шийдвэрлэлээ.
Энэхүү уулзалт нь олимпын цикл дэх хамтын ажиллагааг бэхжүүлэх, спорт холбоодын оролцоог нэмэгдүүлэх, олимпын бэлтгэлийг нэгдсэн бодлого, төлөвлөлтийн хүрээнд хэрэгжүүлэхэд чухал ач холбогдолтой арга хэмжээ бөгөөд “Лос Анжелес 2028” Олимпын наадамд Монголын баг тамирчдын амжилтыг ахиулахад хамтран ажиллах зорилготой юм.
°C