АТГ-ынхан хотын дарга Х.Нямбаатарын туслах асан, хамгийн шадар хүн, НИТХ-ын төлөөлөгч Б.Сэргэлэнбаатарын өрөөнд нэгжлэг явуулж байна гэж өчигдөр гэж мэдээлж байсан бол шөнө нь баривчилсан байна. Х.Нямбаатар баруун гар Б.Сэргэлэнбаатартай цуг А.Отгонбаатарын “Үнэн ба зөв” намын генсек Ш.Мөнхсайхан гэгчийг гавлажээ. Х.Нямбаатар, А.Отгонбаатар нарын гар хөлүүд “Профессионалстрой” ХХК-д хувь эзэмшигид болсоноос ердөө 2 сарын дараа Сэлбэ дэд төвд 223 тэрбум төгрөгийн тендер авсаныг иргэд шүгэл үлээн гаргаж ирсэн. Энэ хоёр 2025 оны 6-р сарын 3-нд, нэг өдөр хувьцаа эзэмшигч болмогц дотоод будаг чимэглэлийн компани шууд барилга орон сууц барих тендерт шалгарсаныг нээлттэй эх сурвалжийн баримтууд нотолж байна.
А.Отгонбаатар нь их мөнгөний ашиг сонирхлоор Туул гол дээгүүр зам гүүр тавихыг ухуулж, Х.Нямбаатарыг хамгаалж, хөгшид цуглуулан, сугалаатай жагсаал хийх хүртлээ улайрч байсны уг шалтгаан ийнхүү ил боллоо. Хотын даргыг сошлд хамгаалдаг лайвчин Б.Цэцэгийн хамтран амьдрагчийн “Нутгийн буян” групп ч Сэлбэ дэд төвд 214 тэрбумын тендер авсан нь илрээд байна.
°C