Монголын үндэсний бөхийн холбооны 2025-2026 оны “Алтан цом”-ын цуврал барилдаан зургаан сарын дараа өндөрлөлөө. Шилдэг найман багаас шигшээ барилдаанд “Хатант интернэшнл” болон “М-Си-Эс Энержи” багууд шалгарсан.
Өчигдөр болсон шийдвэрлэх барилдаанд улсын заан С.Сүхбат/багийн ахлагч/, улсын харцага Б.Зоригтбаатар, улсын харцага О.Мөнх-Эрдэнэ, улсын начин Т.Дүгэрдорж, Э.Мөнхжаргал, аймгийн арслан Б.Шаравдорж нарын бүрэлдэхүүнтэй “Хатант интернэшнл” баг 14 даваа авч түрүүллээ. Улсын арслан Р.Пүрэвдагва тэргүүтэй “Хатант интернэшнл” баг энэ барилдаанд хоёр дахь удаагаа түрүүллээ. Тэд гурван удаа шигшээд шалгарч хоёр түрүү, нэг үзүүрлэсэн амжилтыг үзүүлэв.
Харин залуу арслан Э.Батмагнайгаар ахлуулсан “Ми-Си-Эс” баг 11 даваагаар дэд байранд шалгарлаа. Өчигдрийн барилдаанд улсын харцага Н.Золбоо, Ц.Мөнхбаяр, аймгийн хурц арслан Д.Алтанцоож, аймгийн арслан Ц.Төмөрцоож, Д.Аззаяа, Ч.Алтангэрэл нар барилдсан юм.
.
Энэ жил 1.4 тэрбум төгрөгт хүрсэн шагналын сангаас 75 сая төгрөгийг Эх хүүхдийн Эрүүл мэндийн үндэсний төвд хандивласан байна.
°C