Сонгинохайрхан дүүргийн тухайд нийт 340 гаруй мянган хүн амтай Нийслэлийн том дүүргийн нэг. Тэр ч утгаараа эрүүл мэндийн үйлчилгээний хүртээмжийн асуудал чухалд тооцогддог. Тиймээс олон улсын стандартад нийцсэн, хиймэл оюун ухааны системтэй бүтэн биеийн оношилгооны рентген төхөөрөмжийг өнөөдөр УИХ-ын гишүүн Ч.Номин Сонгинохайрхан дүүргийн эрүүл мэндийн төвд гардуулан өглөө. Дээрх рентген аппарат нь 268,3 сая төгрөгийн өртөгтэй юм.
Рентген төхөөрөмжийг хүлээлгэн өгөх ажиллагаанд УИХ-ын гишүүн Ч.Номин, БНХАУ-аас Монгол Улсад суугаа Элчин сайд Шэнь Миньжуань тэргүүтэй албаны хүмүүс оролцлоо.
Энэ үеэр УИХ-ын гишүүн Ч.Номин хэлэхдээ "Тус дүүргээс сонгогдсон УИХ-ын гишүүний хувьд эрүүл мэндийн тусламж үйлчилгээний хүртээмжийг сайжруулах, иргэддээ ойртуулах зорилтын хүрээнд БНХАУ-ын “Сун чин лин фан” сантай хамтран ажилласан юм" гэлээ
Тус сангийн дэмжлэгтэйгээр энэхүү рентген төхөөрөмж дүүргийн эрүүл мэндийн төвийн үйл ажиллагааг орчин үеийн технологиор хөнгөвчилж эхэллээ.
°C