IT паркийн хувьд мэдээлэл технологи, хиймэл оюун ухааны чиглэлд ажиллаж байгаа компаниудыг бойжуулж байгаа инкубатор төв юм. Өнөөдрийн байдлаар тус парк нь нийт 44 ажилтан, албан хаагчтай. Мөн 50 гаруй стартап компаниуд бойжиж байна. Паркийн хувьд зүүн азийн 8 улс оронтой хамтын ажиллагааг эхлүүлсэн байна.
Мөн удаан хугацааны турш маргаатай байсан Өргөө кино театрыг байрнаасаа гаргаж засвар үйлчилгээний ажлыг эхлүүлжээ. Харин Өргөө кино театр болон парк хоорондын түрээсийн зөрүүнээс шалтгаалан шүүхийн шийдвэрээр тус паркийн дансыг битүүмжилсэн байна. Шүүхийн шийдвэрээр нийт 791 сая төгрөгийн өр төлбөрийг барагдуулах шаардлагатай болжээ.
Дээрх асуудалд салбарын сайд анхаарч ажиллаж өр төлбөрийг барагдуулахаас гадна хэд хэдэн асуудлыг шийдэх шаардлагатай гэж үзжээ. Салбарын сайдын хэлснээр бол тус паркийг онцгой объектод авах шаардлагатай гэсэн юм. Учир нь тус паркт И Монголиа байрладаг байна.
Мөн салбарын хууль эрх зүйн орчныг илүү боловсронгуй болгох , алба хаагчдын нийгмийн баталгааг хангах зэрэг асуудлыг анхаарч ажиллахаар болсон юм.
°C