Улсын Их Хурлын даргын хариуцлагатай албанд итгэл хүлээлгэн сонгосон гишүүддээ баярлалаа.
Улсын Их Хурлын даргын үүрэг нь ард түмнийг төлөөлөх эрхээр баталгаажсан парламентат ёсны эрхэм чанарыг хэрэгжүүлэхдээ төв, голч, тэнцвэртэй байр суурийг баримтлан, хууль дээдлэх ёсыг хүндэтгэн сахиулахад оршино.
Өнөөдөр монголын ард түмэн Улсын Их Хурлын гишүүдээсээ өдөр бүр ёс зүй шаардаж, хууль дээдлэх зарчмыг нэхэж, шударга ёсыг хүсэмжилж байгаа нь зүй ёсны хэрэг.
Парламентат ёс, парламентийн ардчилал бол монголын ард түмний Үндсэн хуулиараа хийсэн сонголт. Энэ сонголтыг бид ямагт хүндэтгэх, бататгах, хамгаалах, парламентийн дархлааг бэхжүүлэх үүрэгтэй.
Бид Монгол гэсэн нэг л эх оронтой.
Монголын төлөө цохилох халуун зүрхтэй ард түмэн.
Энэ цагийн түүчээ, хүчирхэг Монголыг цогцлоох зүтгэх хүч нь болсон монгол хүний суу алдар бадрах болтугай.
°C