УИХ дахь МАН-ын бүлэг өнөөдөр хуралдаж, УИХ-ын даргад нэр дэвшүүлэх тухай асуудлыг авч хэлэлцлээ.
УИХ-ын даргад парламентад ажилласан хугацаа, боловсрол, туршлагыг харгалзан С.Бямбацогтыг нэр дэвшүүлсэн болохыг хуралдааны эхэнд танилцуулав. УИХ-ын даргад нэр дэвшигч С.Бямбацогт иргэд сонгогчдын итгэлийг хүлээж 2008 оноос хойш нэг тойргоос УИХ-ын гишүүнээр тасралтгүй 5 удаа сонгогдож, 2024 оны УИХ-ын сонгуулиар УИХ-ын түүхэнд хамгийн олон санал авч сонгогдсон гишүүн юм.
Тэрбээр Хууль зүйн сайд, Батлан хамгаалахын сайд, Зам тээвэр, хөгжлийн сайд, ЗГХЭГ-ын дарга, Төрийн байгуулалтын байнгын хороо, Хууль зүйн байнгын хорооны дарга зэрэг УИХ-ын бүх шатны бүтцийг ахалж ажилласан туршлагатай.
Нийт 50 гаруй хуулийн төслийг санаачилсан. Түүнчлэн 2019 оны Үндсэн хуулийн нэмэлт өөрчлөлтийн эх баригчдын нэг, Монгол Улсын урт хугацааны хөгжлийн бодлого тодорхойлогч, УИХ-ын хяналт шалгалтын тухай анхдагч хуулийн төслийг санаачлагч, эрх зүйн олон шинэтгэлийг амжилттай хэрэгжүүлсэн мэргэшсэн парламентч хэмээн үзэж нэр дэвшүүлсэн аж.
Ингээд бүлгийн гишүүдийн олонх С.Бямбацогтыг УИХ-ын даргад нэр дэвшүүлж буйг дэмжлээ.
°C