Бээжингийн "Ижуан" эдийн засаг, технологийн хөгжлийн бүсэд спортын нэгэн өвөрмөц үйл явдалд бэлтгэх хүрээнд хүн дүрст роботуудыг анх удаа туршжээ. Ирэх дөрөвдүгээр 19-нд тус бүсэд хүмүүс болон хүн дүрст машинууд оролцсон хагас марафон болно.
Туршилтын гүйлтэд Хятадын технологийн тэргүүлэгч компаниуд, их дээд сургуулиудыг төлөөлсөн 20 гаруй баг оролцжээ. Удахгүй болох марафон цар хүрээ болон роботуудын бие даах чадварын түвшингээрээ өнгөрсөн оныхоос ялгаатай ажээ.
Гүйлтэд оролцохоор 32 452 хүн бүртгүүлсэн байна. Өнгөрсөн онд роботыг техникчид даган гүйж алсаас удирддаг байсан бол энэ удаад роботуудыг цахим газрын зураг ба компьютер харааны алгоритмын үндсэн дээр удирдаж, бүрэн автомат удирдлагад шилжих ажээ.
Зохион байгуулагчдын мэдээлснээр, тамирчид болон роботууд нэгэн зэрэг гараанаас гарч, ижил маршрутаар гүйх аж. Аюулгүй байдлыг хангах үүднээс гүйлтийн замуудыг тусгай хашлагууд, зам заагчаар тусгаарлана.
эх срвалж: Global Times
°C