Өвлийн XIV паралимпын наадам Италийн Милан, Кортина хотод дөрөв хоногийн өмнө эхэлсэн билээ.
Энэхүү наадамд оролцож буй АНУ-ын шигшээ багийн бүрэлдэхүүнд монгол тамирчин багтжээ. Тодруулбал, тэргэнцэртэй кёрлингийн холимог багийн төрөлд Монгол Улсын иргэн У.Бат-Оюун АНУ-аас тоглож байна. Түүний хувьд холимог багийн “Lead” буюу эхний шидэгчийн байрлалд тоглож байгаа бөгөөд энэ нь түүний оролцож буй хоёр дахь паралимпын наадам юм. АНУ-ын тэргэнцэртэй кёрлингийн шигшээ баг урьдчилсан шатанд гурав тоглохдоо Хятад, Солонгосын багт хожигдож, Италийг хожоод байна. Тэмцээн энэ долоо хоногт өндөрлөх юм.
У.Бат-Оюун 2000 онд АНУ-д очсон бөгөөд тухайн жилдээ осолд орсноор нугасны гэмтлийн улмаас суумгай болжээ. АНУ-ын Миннесота мужид 26 жил амьдардаг бөгөөд хоёр хүүхэдтэй аж. 2016 оноос кёрлингийн спортоор хичээллэсэн тэрбээр 2018 онд АНУ-ын кёрлингийн шигшээ багт дуудагдаж, 2021 оны дөрөвдүгээр сард анхны олон улсын тэмцээндээ оролцжээ. Үүнээс зургаан сарын дараа ДАШТ-д оролцохдоо хүрэл медалийн төлөөх тоглолтод хожигдсон ч 2022 оны Бээжингийн паралимпын наадамд өрсөлдөх эрхээ авч чадсан бөгөөд улмаар анхны наадамдаа багаараа V байр эзэлсэн байна.
°C