Улс төрийн намуудад “хос тамга” гэх моод дэлгэрч байна. Ардчилсан нам нэг үе хос тамга, хоёр даргатайгаар улс төрд туушиндаж байсан бол өдгөө Нара-гийн гэж нэрлэгддэг ИЗНН тэр залгамж халааг нь үргэлжлүүлж байна.
Тодруулбал, ИЗНН-ын 500 гаруй гишүүнтэй онц их хурал “Новотел” зочид буудалд болж тус хуралдаанаар намын шинэ дүрмийг хэлэлцсэн. Мөн тэд хуралдаанаараа намын дарга Б.Батбаатарыг хөөх шийдвэр гаргасан бөгөөд дөнгөж сая намын даргаараа УИХ-ын гишүүн Р.Батболдыг 97 хувийн саналаар дэмжин сонголоо.
Шинэ даргын сунгаанд УИХ-ын гишүүн Р.Батболд, ИЗНН-ын даргын зөвлөх Д.Амгалан, тэргүүн дэд дарга С.Батбаатар нар нэрээ дэвшүүлснээс Д.Амгалан, С.Батбаатар нар нэрээ татаж, УИХ-ын гишүүн Р.Батболд тунаж үлдсэн. Энэ цаг мөчид харин ИЗНН-ын дарга Б.Батбаатар Улаанбаатар чуулгад намынхаа зарим гишүүдтэй баярын хурлаа хийж байна.
°C