Улаанбаатар Дулааны шугам сүлжээ ТӨХК-ийн Инженер техникийн албаны ажилчид Булган аймгийн Хялганат тосгонд байрлах “Эрдэнэт Үйлдвэр” ТӨҮГ-ын харьяа Сэлэнгэ амралтын баазад өнгөрсөн 11-р сарын 13-15-ны өдрүүдэд сургалт зохион байгуулсан байна.
Энэ үеэр тус компанийн ажилчид архи согтууруулах унда хэрэглэсэн байна. Улмаар тус компанийн хүний нөөцийн ажилтан О-ийн биеийн байдал муудаж Хялганат тосгоны эмнэлэгт очиж үзүүлсэн байна. Эмнэлэгийн зүгээс нөхцөл байдалд тохируулах тусламж үйлчилгээ үзүүлсэн бөгөөд буцаад амралтын баазад ирсэн ч 15-ны өглөө О нас барсан байна.
Харин дээрх хэргийн талаарх мэдээллийг Улаанбаатар дулааны сүлжээ компанийн гүйцэтгэх захирал Ц.Амарсанаа гадагш задруулахгүй байх үүргийг тухайн сургалтад очсон ИТА болон компанийн ажилчиддаа сануулсан байна.
Улаанбаатар дулааны сүлжээ ТӨХК-ийн гүйцэтгэх захирал Ц.Амарсанаа нь УИХ-ын гишүүн Ц.Даваасүрэнгийн ойрын хүн бөгөөд Ц.Даваасүрэн гишүүний үүсгэн байгуулсан “Дэлтэй цэнхэр” МСУХ-д харьяалагддаг аймгийн алдарт уяач цолтой хүн юм байна. Мөн түүнийг тус албанд тушаалд УИХ-ын гишүүн Ц.Даваасүрэн өнгөрсөн 2024 оны 10-р сард томилуулсан гэж эх сурвалж хэлж байна.
Түүнчлэн өнгөрсөн зун “Эрдэнэт Үйлдвэр” ТӨҮГ-ын харьяа Сэлэнгэ амралтын баазтай нэг дор байрлах “Найрамдалын Эрдэнэс“ зусланд гэдэсний цусан суулга өвчний нян илэрч амрагч хүүхдүүд болон багш нар өвдсөн хэрэг гарсан нь тухай асуудалд ямар нэгэн албан тушаалтан хариуцлага хүлээлгүй өнгөрсөн билээ.
Энэ мэт эрдэнэт хүний амь нас эрүүл мэнд хохирсоор байхад өнөөдрийг болтол холбогдох албан тушаалтангууд болох Эрдэнэт Үйлдвэр ТӨҮГ-ын дарга Г.Ёндон, Сэлэнгэ амралтын баазын захирал И.Жаргалсайхан нараас хэн ч ямар нэгэн хариуцлга хүлээгээгүй хэвээр байгаа нь харамсалтай.
Мөн сургалт нэрээр халхавчилсан хяналтгүй “архидах” нөхцөл бололцоог бий болгосон Улаанбаатар дулааны сүлжээ ТӨХК-ийн гүйцэтгэх захирал Ц.Амарсанаад хэн хариуцлга тооцох вэ? Түүний энэ хайхрамжгүй үйлдлээс болж жирийн ажлаа хийж явсан эмэгтэй амь насаа алдаад байна.
-15°C