Засгийн газраас улсын төсөвт хэмнэлт хийхээс гадна хулгай, луйвартай тэмцэх замаар төсвийн орлогыг нэмэгдүүлэх арга хэмжээ авах талаар зарчмын шийдвэр гаргаж, энэ асуудлын хүрээнд улсын төсвийн зарцуулалтанд тавих хяналтыг чангатгахыг холбогдох чиг үүргийн байгууллагуудад үүрэг болгосон.
Дээрх шийдвэрийн дагуу цагдаагийн байгууллагаас нийгмийн даатгал, татварын байгууллагын албан тушаалтнуудтай холбоотой хэд хэдэн томоохон хэргүүдийг илрүүлж мөрдөн шалгах ажиллагаа явуулж байна. Тэгвэл, Дээрх хэргүүдийн шалгалтын ажиллагаа дуусаагүй байхад дахин нийгмийн даатгалын санд 2,2 тэрбум төгрөгийн хохирол учруулсан хэргийг цагдаагийн байгууллагаас илрүүлсэн байна.
Тодруулбал, Сэлэнгэ аймгийн нийгмийн даатгалын газрын албан тушаалтан нь иргэдээс авилга авч, "хүнд, хортой нөхцөлд ажиллаж байсан" мэтээр хуурамч материал бүрдүүлж, 50 орчим иргэнд өндөр насны тэтгэвэр тогтоосон ба тухайн иргэд улсаас 2,2 тэрбум төгрөгийн тэтгэвэрийг хууль бусаар авч, нийгмийн даатгалын санд их хэмжээний хохирол учруулсан нь шалгалтын явцад тогтоогдсон байна.
°C