Оюу толгойн зээлийн хүүг бууруулах хэлэлцээ хоёр дахь өдрөө үргэлжилж байна. "Оюу толгой" төслийн зээлийн хүүг бууруулах хэлэлцээрийн хугацаа арванхоёрдугаар сарын 31-нд дуусахаар байсан юм.
Тэгвэл Засгийн газраас томилсон ажлын хэсэг Оюутолгой төслийн хөрөнгө оруулагчидтай хэлэлцээр хийж эхлээд буй. Энэ талаар Сангийн сайд Б.Жавхлан мэдээлэхдээ "Уг хэлэлцээрийн зорилго нь Оюу толгой төслөөс Монголд ирэх өгөөжийг анх тохирсон ёсоор 53 хувьд хүргэх. Хэлэлцэх асуудлын хүрээ зөвхөн зээлийн хүү бууруулах биш. Менежментийн төлбөрийг бууруулах, зардалтай холбоотой бусад асуудлыг хөндөнө” гэсэн юм.
Хэлэлцээрээр:
-Зээлийн хүүг бууруулах,
-Зээлийн хүүгийн асуудлыг 7 жилд нэг удаа хөнддөг байдлыг наашлуулах;
-Хүүгээс хүү тооцдог байдлыг эргэн харах;
-Монголын талын өгөөжийг 50-иас дээш хувьд хүргэх зэрэг гол асуудлыг хэлэлцэж байна.
-4°C