Өчигдөр хуралдсан Засгийн газрын ээлжит хуралдаанаар нүүрсний оффтейк гэрээнүүдийг улсын нууцаас гаргасан. Ингэснээр нүүрсний хулгайн хэрэгт оролцсон улс төрчдийг ил болгож тэдэнд хариуцлага тооцох асуудал сөхөгдөнө гэсэн хүлээлт байв.
Гэтэл нууцаас гарсан гэрээнүүдийн он сар дарааллыг авч үзвэл Ерөнхий сайд Г.Занданшатар өөрөө тайлбарлах шаардлага үүсэж болзошгүй байна. Учир нь түүнийг УИХ-ын даргаар ажиллаж байх хугацаанд нууцад оруулсан гэрээнүүд хийгдсэн байна. Өөрөөр хэлбэл улсын нууцад авсан бүх гэрээний агуулгыг Ерөнхий сайд мэдэж байсан болж тарлаа. Тиймээс Ерөнхий сайдад яагаад тус гэрээнүүдийг улсын нууцад авсан бэ гэдэгт асуултын хариултыг өгөх гэрийн даалгавар нэмэгдэж байна.
Дээрх нүүрсний гэрээнүүдийг ил тод болговол нүүрсний хулгайн жинхэнэ эзэн холбогдогч нь Д.Амарбаясгалан гэж олон нийтэд итгүүлэх том баримт болох байсан ч энэ акц амжилтгүй болж байна. Учир нь Д.Амарбаясгалангийн тухайд дээрх гэрээнүүд хийгдэх үед Үндэсний Аюулгүй Байдлын Зөвлөлд багтах албан тушаалтан биш байсан төдийгүй зарим гэрээ хийгдэх үед Засгийн газрын түвшинд ч ажиллаж байгаагүй зэрэг нь түүнд “зохиомол” хэрэг тохох гэсэн санаархал байсан нь нотлогдож байгаа юм.
Юутай ч маргааш хуралдах УИХ-ын Төрийн байгуулалтын байнгын хорооны хуралдаан энэ бүх улс төржилтийн эхлэл тайз болно. Харин хуралдаанаа нээлттэй явуулах уу, хаалттай явуулах уу гэдэг л хамгийн чухал байна.
Р.Ханджав
°C